Организаторите на единствената ноќна трка во Формула 1, закажана за претстојниот викенд се уште не знаат дали атрактивната трка и актуелните придружни настани ќе се одржат, бидејќи Сингапур е прекриен со облаци чад што доаѓаат од соседна Индонезија.
Водечкиот во генералниот пласман, Луис Хамилтон, кој вози за Мерцедес, изјави дека е подготвен да вози на патеката со ограничена видливост, но додава дека би било гротескно ако трката ја следат членовите на екипите и гледачи со маски на лицата.
Според последните мерења, нивото на загаденоста на воздухот е на степен до врвот на скалата при кој се прогласува тревога.
Обиди за расчистување на воздухот со создавање вештачки дожд започнаа од вчера, но сеуште нема извештаи дека тие се ефикасни.