Извршниот директор на Мекларен, Зак Браун, се приклучи на повиците за реформа во работата на судиите во Формула 1.
Многу тимови ја повикуваат Светската автомобилистичка федерација (ФИА) да ги обучи луѓето да бидат судии и да ги подготви да работат како стјуарди на трки.
Тој смета дека во Формула 1 треба да се формира асоцијација на од професионални стјуарди.
- Мислам дека треба да застанеме и да размислиме за тоа оваа зима. Во Формула 1 има премногу казни, премногу често гледаме недоследност во одлучувањето на стјуардите. Мислам дека сите разбираме дека ни требаат луѓе кои ќе работат како стјуарди на постојана основа. Не ги обвинувам сегашните стјуарди, но мислам дека тие не се поставени за да успеат во оваа област. Значи, ни требаат професионални стјуарди со полно работно време, изјави Браун.
Новата сезона во Формула 1 ќе почне во средината на март со етапата во Австралија.