Машката ракометна репрезентација на Македонија во салата "Борис Трајковски" во Скопје, пред околу 6.000 гледачи загуби од селекцијата на Исланд со 26:29, во натпревар од квалификациите за пласман на ЕП 2010. Гостите одиграа квалитетно прво полувреме, на одмор заминаа со три гола предност (10:13), а во вториот дел избраниците на Илија Темелковски не само што се вратија во игра, туку на 6 минути до последниот судиски свиреж се изборија и за предност од еден гол разлика. Сепак, до крајот, како и во текот на целиот меч како одлучувачко се покажа отсуството на Мојсовски и Димовски, а воедно и исцрпеноста на капитенот Кире Лазаров, што Исланѓаните знаеја како да ја искористат и да стигнат до победа.
По овој пораз Македонија останува со трите бода од првите два меча со Естонија.
Во репрезентацијата на Исланд Сигурдсон постигна 10 гола, додека кај нас Кире Лазаров стигна, исто така, до бројката од 10 успешни реализации.
Следниот дуел го играме со Белгија во недела (14:15 часот).
Потсетување во вториот дуел од нашата трета група победа за
Естонија над Белгија 37-28.