По победничкиот старт на 29 европско првенство во ватерполо во Загреб, попладнево од 18:00 часот македонските ватерполисти го играат вториот меч и тоа против лутиот ривал Грција.
Против оваа селекција имаме билчан со една победа и два порази. Славевме дома еднаш, а двапати загубивме на гости. Македонските ватерполисти денеска со посебен елан ќе влезат на средбата од која може да ја добиеме и втората голема победа во трката за што подобар пласман на Европското првенство и можност за настап на следното Светско првенство.
Со поддршка и на нашите навивачи на базенот "Младост" во Загреб, може да очекуваме добар настап и секако добар резултат. Денеска во 2. коло на ЕП во нашата група ќе се одиграат и дуелите Германија - Русија, односно Србија - Унгарија. Во втората група ќе се сретнат Италија - Црна Гора, Хрватска - Турција и Шпанија - Романија.