Мирослав Котевски, актуелен претседател на КК "Вардар Осигурување", сега веќе и официјално испрати и писмен документ во кој ја информира јавноста дека овој клуб нема да се натпреварува во Првата лига.
Првиот човек на македонскиот вицепрвак го информира комесарот за натпреварување, Горан Трпушевски, во кое го известил за новонастанатата ситуација, во која е констатирано дека поради објективни, пред се финансиски проблеми, КК " Вардар Осигурување" не е во можност да настапува во натпреварувањето во сезоната 2010/2011.
Со тоа и официјално тргнува "потерата" по наоѓање ново решение, односно дополнување на нова екипа со која би се нашла евентуална замена за сега веќе поранешниот клуб, кој во само две сезони од постоење стигна и до "мајсторката" во финалето од плеј-офот.
Претседателот на КК "Вардар Осигурување", Мирослав Котевски, најави дека многу скоро ќе ја информираше и многу поопширно за случувањето во овој клуб, кој за жал, престанува со активности.
Согласно со пропозициите, сите играчи кои се под договорните обврски, а досега не го сториле тоа, стекнуваат статус на слободни играчи и можат да ја променат средината без никаква отштета.