Љубителите на ракометот кои сакаат да ги бодрат нашите ракометари на Европското првенство во ракомет во Ниш можат да патуваат и со воз со користење на редовните возови на Македонски железници.
Како што соопшти МЖ Транспорт АД – Скопје, тргнувањето од Скопје е во 8:20 часот наутро со возот 336, кој во Ниш пристигнува во 13:20 часот. Во обратен правец сообраќа возот 335, кој доаѓа од Белград, а од Ниш поаѓа во 2:50 часот по полноќ, додека во Скопје пристигнувањето е во 7:22 часот.
Од МЖ Транспорт посочуваат дека доколку се појави потреба, постојните гарнитури во возовите 336 и 335 ќе бидат засилени со дополнителни вагони.