При купување автомобил секогаш си го поставуваме прашањето како да се најде вистинската комбинација. Барате перформанси на јапонските мотори, а притоа сакате престиж и луксуз на германски автомобил. Е, тука настануваат проблемите.
Еден Британец смислил прилично креативно решение – спој од двете.
Едноставно, земате Subaru Impreza WRX од 1993-та година, преден дел од Audi A4 и заден дел од претходната генерација BMW Серија 5 и ја имате добитната комбинација.
Сепак, во случајов, овој „хибрид“ малку боде очи, но неговиот „дизајнер“ секако треба да се пофали за досетливоста. Но, тоа не е сè! Ако моделот од сликите ви се допаѓа, истиот може да биде ваш бидејќи се продава на eBay. Моменталната цена изнесува 5.100 евра.
