Понекогаш здогледуваме автомобил кој не остава без зборови. Обично таква реакција предизвикуваат егзотичните, брзи и скапи автомобили. Но, од време на време налетува некој кој најмалку сме го очекувале.
За пример ќе го земеме овој Peugeot 406 купе, кој дефинитивно не зачуди, пред се’ со својот изглед и со својата желба да „стане Ferrari“. Не дека не се труди, но едноставно тоа не е тоа.
Шега на страна, чисто се сомневаме дека 2.9-литарскиот V6 бензински мотор на француската компанија, кој се произведуваше од 1995 до 2004 година, произведува сличен звук како V8-цата на Ferrari. Покрај тоа, моторот на 406-та се наоѓа напред.
Со екстериерот е иста приказна. Признаваме, тука се карбонските влакна, поликарбонските стакла, 18-инчните алуминиумски бандажи, па дури и знакот на италијанската компанија, но без успех.
На крајот на краиштата, каде сте виделе Ferrari 430 за 9.450 евра?