Навистина се мистериозни патиштата на автомобилската индустрија. На ист ден Renault не фрли во транс претставувајќи го новото Twingo со заден погон, а BMW направи „салто мортале“ со својот прв моновулумен и автомобил со погон на предни тркала.
Дека Баварците изгубија компас знаеме веќе некое време. Најпрвин воведоа некои новитети кои во минатото не беа својствени за нив, за на крај да направат целосен хаос во номенклатурата на моделите.
Зошто овој автомобил се вика серија 2 Active Tourer, а не на пример серија 1 GT, целосно ни е непознато.
Како и да е, автомобилот ќе биде изграден на модуларната платформа која ќе ја дели со третата генерација Mini, а на истата платформа ќе биде и направен наследникот на X1, како и уште пет нови модели на BMW со погон на предните тркала.
За погон на автомобилот ќе биде задолжена палета на турбо троцилиндрични и четирицилиндрични мотори. Тука е 1.5 литрениот троцилиндричен мотор со 136 KS во моделот 218i и 231 KS моќниот дволитрен четирицилиндричен бензинец во моделот 225i. Единствениот дизел доаѓа со познатиот дволитрен common-rail со 150 KS и 330 Nm во моделот 218d.
BMW планира во текот на годината по авто-саемот во Женева да понуди уште неколку мотори, како и оној на интегрален погон xDrive.