Оскаровската ноќ е совршениот момент за покажување на најубавите фустани на црвениот тепих.
Оваа година сите очи беа вперени во модните креации на Деми Мур, Селена Гомез и Хали Бери, кои едноставно блескаа во полн сјај.
Деми Мур (62) беше смела и незаборавна во светкава, сребрена тоалета од Armani Prive. Мур ја нагласи фигурата со длабоко V деколте и импресивен дијамантски накит од Chopard.
Селена Гомез за специјалниот повод на црвениот тепих, избра уникатна креација од Ралф Лорен. Актерката и пејачка носеше рачно извезена сатенска вечерна тоалета во румено розова нијанса. Линијата на фустанот прекрасно ја истакна нејзината силуета.
Хали Бери ја видовме во модно парче од Кристијан Сириано.
Холивудската ѕвезда го комплетираше својот изглед со Pomellato накит и фризура со елегантен превртен боб.
