Колку време му треба на телото да ја намали штетата од пушењето?

Според извештај од 2014-та, пушењето предизвикува една од секоја 4-та смрт предизвикана од кардиоваскуларна болест во САД, правејќи го водечка причина за смрт која може да се спречи. И покрај тоа, извештај од 2017-та покажува дека 14 од секој 100 возрасни личности пушат цигари, што е еднакво на околу 34.3 милиони луѓе.

За среќа, штетните ефекти од пушењето можат да се елиминираат доколку веднаш престанете со него, но колку точно време е потребно за тоа да се случи?

Кога истражувачите ја анализирале историјата на пушење на 8700 луѓе, откриле дека 70% од кардиоваскуларните болести – како срцев и мозочен удар и откажување на срцето – се појавувале кај оние кои пушеле една кутија дневно 20 години, без разлика дали се сегашни или поранешни пушачи. Резултатите исто така покажале дека ризикот од кардиоваскуларни болести кај субјектите се намалил за 38% во првите 5 години откако престанале со пушење

Било заклучено дека за здравјето на пушачите да се врати комплетно во нормала биле потребни скоро 20 години. Ризикот од кардиоваскуларните болести останува покачен и до 16 години кај поранешните пушачи, во споредба со оние кои никогаш не пушеле.

Добрите вести се дека престанувањето со пушење има и непосредни придобивки – во првите 2 недели коските стануваат посилни, подобрена е функцијата на белите дробови, а ризикот од срцев удар веќе почнува да се намалува. Иако желбата за пушење може да биде интензивна во првите неколку денови, таа се намалува скоро комплетно за еден месец, штом мозокот почнува да се навикнува да не биде хранет со никотин.