Генерацијата X и милениумците имаат поголем ризик да развијат повеќе видови рак од нивните родители, покажува ново истражување.
Во студијата, од Американското здружение за рак, истражувачите открија дека генерацијата X и милениумците имаат поголем ризик за развој на 17 видови на рак во споредба со постарите генерации.
-Ризикот за развој на рак, вклучително и колоректален карцином, рак на матката, рак на црниот дроб и рак на дојка е поголем. Поголема е веројатноста да развиете рак во триесеттите и четириесеттите години ако сте родени во 1990-тите и 1980-тите, отколку вашите родители кои биле родени во 1950-тите и 1940-тите, вели д-р Бил Дахут, главен научен директор во Американското здружение за рак.
Сè уште не е точно познато што го поттикнува овој тренд.
-Најверојатно станува збор за еколошки аспект, без разлика дали тоа е диета, недостаток на вежбање или некоја друга изложеност. Потребно е поголемо истражување во тие области, рече Дахут.
Добрата вест е дека е можно да се намали ризикот од рак преку промени во животниот стил.
Дахут вели дека околу 40% од ракот може да се спречи со одредени однесувања, вклучително и непушење и одржување на здрава тежина. Тој, исто така, ги повикува младите луѓе со постојани симптоми да разговараат со својот лекар.
Американското здружение за рак, исто така, вели дека младите треба да ги знаат нивните фактори на ризик, вклучително и семејната историја, за да можат да започнат со скрининг што порано ако е потребно.