Белград, 9 јули 2010 (МИА) - Белград планира да и предложи на Приштина територијална размена - дел од јужниот дел од Србија за Северно Косово, објави денеска белградскиот весник Блиц повикувајќи се на извори блиски од преговорите.
За да ја направи понудата попривлечна, Србија, поддржана од Русија, ќе ја запре блокадата на Косово во ОН, тврди весникот.
Во реоните во Србија за кои станува збор (Прешевска долина) живее претежно албанско население додека Србите доминираат во Северно Косово.
Дипломатски извори за Блиц велат дека Белград смета оти претстојното решение на Меѓународниот суд е добар момент за покренување на иницијативата за размена на територии. Одлуката на Меѓународниот суд во Хаг се очекува околу 22 јули.