Загреб, 3 ноември 2011 (МИА) - Во Окружниот суд во Загреб денеска почнува процесот против поранешниот хрватски премиер Иво Санадер за аферата со австриската банка „Хипо Алпе Адриа“, кое поради големиот интерес ќе биде емитувано директно на државната телевизија.
Портпаролот на судот Крешимир Девчиќ изјави дека на телевизија ќе биде емитувано читањето на обвинителниот акт и воведните излагања на страните.
Девчиќ истакна дека се е подготвено за процесот и нема никакви знаци дека процесот може да биде одложен поради здравствената состојба на обвинетиот.
Поранешниот хрватски премиер е обвинет дека во 1994 и 1995 година побарал и добил од австриската банка „Хипо Алпе Адриа“ 483.000 евра провизија за кредит, кој Хрватска го добила од таа банка.
Санадер беше уапсен во Австрија во декември минатата година, а во јули оваа година беше екстрадиран во Хрватска. Оттогаш се наоѓа во затворот Реметинец во Загреб.