Тирана, 12 ноември 2014 (МИА) - Поранешниот заменик министер за надворешни работи во Владата на Сали Бериша, Крешник Чолаку смета дека репликата Рама-Вучиќ била однапред договорена работа.
Коментирајќи на својот профил на Фејсбук, Чолаку наведува дека тоа го сториле за да се покажат како херои во своите земји, глумејќи наивност.
- Секој кој и најмалку ја познава технологијата на организирање на вакви билатерални средби и нивно презентирање пред јавноста.. лесно сфаќа дека можноста е нула да се излезе надвор од претходно подготвеното и договорено сценарио, пишува Чолаку.
Според него големи државници на нивни средби меѓусебно се заканувале со војна но потоа пред јавноста се ракувале.
- Не може да се верува дека на еденочасовната средба Рама и Вучиќ не се договориле за Косово. Јасно е дека репликата пред камерите е претходно договорена работа од двајцата, за да и двајцата профитираат политички во нивните земји. Фактички и двајцата да изгледаат како херои во нивните земји, глумејќи наивност, пишува Чолаку.
Тој уште додава дека пред камерите не си ни подале рака а по неколку часа вечерале заедно.