Во просториите на Хотел Актор се одржа Бизнис Форумот на тема „Корпоративна Општествена Одговорност, филантропија и владини политики: Соработка за посилно општество“.
Во рамките на настанот, се одржа панел дискусија предводена од истакнати учесници од приватниот сектор и стручни лица од оваа област: г. Бесир Дерњани, директор на Фондацијата Албиз, г. Бесник Адеми, директор на компанијата Екофлуид, проф. др. Веланд Рамадани од УЈИЕ и г. Мухамед Хаџипази од Халкбанк.
Презентирани беа и најдобрите практики на компаниите во секторот, како и доделени награди за признание на на Пивара Скопје, ЗСФ КОМ, Малиќи Груп, Уника Македонија, Еуро Актива, Даути Комерц, Амбрела, Силкапор и Трим Лум. На овој настан беше промовирана и втората едиција на Белата Книга, креирана од Стопанската комора на Северо-Западна Македонија, во која се претставени теми од филантропијата и корпоративната општествена одговорност во земјава.
Белата Книга ги промовира активностите на компаниите-членки на добри практики за филантропската и корпоративната општествена одговорност, како и да ги поттикне нејзините членови, но и бизнисите воопшто за стратешки пристап кон овие важни општествени теми.
„Белата книга е важен одраз на придонесот што го даваат компаниите-членки на СКСЗМ за економскиот развој и подобрувањето на нашето општество. Горди сме на дарежливоста на овие компании, кои поддржуваат важни проекти и носат позитивни промени во заедницата. Оваа книга, покрај тоа што е резиме на нашите напори, е и повик за акција. Ги охрабруваме сите наши членови и заедницата да се вклучат во проекти кои им помагаат на оние на кои им е потребна”, изјави претседателот на СКСЗМ, г. Менди Ќура.
Изборот на компании, од голем број компании донатори, е направен од тимот на извршната канцеларија на СКСЗМ, врз основа на нивната достапност и придонес во решавањето на проблемите на општеството и влијанието кое го создаваат на долг рок. Бизнис Форумот е дел од проектот на USAID „Партнерства за Донирање“ спроведуван од Конект во партнерства со Европскиот Центар за непрофитно право ЕЦНЛ, Стопанската комора на Северо-Западна Македонија и Индиго.