Општината Штип ќе бара пари за изградба на пат до езерото Мантово

Штип, 22 јуни 2010 (МИА) - Општините Штип и Конче се договорија да ја изработат проектна документација за изградба на пат до езерото Мантово, со што двете општини ќе се поврзат. Градоначалникот на Општина Штип, Зоран Алексов вели дека од крстосницата на регионалниот пат Штип-Радовиш-Неготино, кај местото на 20-тиот километар до вештачкото езеро Мантово остануваат уште 4,5 километри неасфалтиран пат.

- Граѓаните на Штип интензивно го посетуваат вештачкото езеро Мантово и затоа одлучивме помеѓу приоритетите за изградба на локални патишта за наредната година да го ставиме и овој пат кој ќе ги поврзе Штип и Конче, а не како досега граѓаните да патуваат преку општина Радовиш, вели Алексов.

По изработката на проектната документација за патотот во должина од 4,5 киломтери двете општини ќе бараат пари за негова изградба од ресорните министерства или од странските фондови.

Алексов  потенцира дека билошкиот минум од езерото Мантово се пушта во реката Крива Лакавица, но поради понирањето на водата во план е изградба на цевковод преку кој ќе се пренесува водата до земјоделските површини во Лакавичкиот регион.