Во Битола донесен детален урбанистички план за касарната „Стив Наумов“Битола, 6 септември 2010 (МИА) - Советот на општина Битола денеска на вонредна седница донесе одлука со која го усвои новиот детален урбанистички план за поранешната касарна „Стив Наумов“ чиј најголем дел неодамна Министерството за одбрана и до отстапи на локалната самоуправа.
Границите на деталниот урбанистички план се совпаѓаат со наменската зона утврдена според генералниот урбанистички план на Битола, специјална намена, терени на АРМ. Опфатот на овој најнов урбанистички план има 103,6 хектари и се однесува на територијата која долги години ја користеше армијата.
Со донесувањето на новиот детален урбанистички план создадени се реални можности за инвестирање и економски развој на општината Битола, а локалната самоуправа најавува изградба на нов мал град со многу урбани содржини.
|