Рим, 6 април (МИА) - Најмалку девет лица загинаа во земјотресот во областа Абруцо, централна Италија, соопшти локалната полиција. Во бројката не се вклучени четирите деца кои според италијанските медиуми починале во болница во Аквила, каде биле донесени откако биле изведани од под урнатини.
Според весникот „Република“, цитиран од рускиот сајт Њуз.Ру, меѓу жртвите има две Македонки.
Пет лица загинале во Кастелнуово, каде се урнале десетици куќи и црква, и тоа во историски центар кој сега е срамнет со земја. Осум лица засега се водат како исчезнати.
Во Аквила, каде се урнаа многу згради, спасувачките екипи се уште бараат преживеани под урнатините на еден студентски дом. Преживеан студент за телевизијата РАИ изјави дека земјотресот ги разбудил повеќето студенти кои избегале по скалите пред да се урне покривот на домот.