Вилнус, 29 ноември 2013 (МИА) – Лидери на Европската унија не успеаја во првиот ден од тридневниот самит Источно партнерство во Вилнус да ја убедат Украина да го потпише договорот за асоцијација и зона на слободна трговија, изјави претседателката на Литванија Далија Грибаускатје по неформалната работна вечера на самитот Источно партнерство.
Според неа, која претседава со Унијата, аргументите на ЕУ за време на разговорите со украинскиот претседател Виктор Јанукович „не допреле до неговите уши и ум“.
– Засега гледаме неизменети позиции, изјави Грибаускатје за западни медиуми.
– Сите држави особено новите 12 членки, наведоа што значи договорот за слободна трговија со Европа, и дека за 15 години тие 12 членки оствариле таков напредок само затоа што го потпишале тој договор, изјави таа.
Медиуми јавија дека во Вилнус синоќа пред официјалниот дел од самитот одржан е состанок на претседателот на Советот на ЕУ и ЕК со Јанукович веднаш по неговото доаѓање во главниот град на Литванија.