Романот „Чик“ на Волфганг Херндорф објавен на македонски јазик

Скопје, 30 ноември 2015 (МИА) - Издавачката куќа „Антолог“ го објави  романот „Чик“ од Волфганг Херндорф, добитник на високи книжевни награди, кој раскажува за пријателството помеѓу двајца средношколци. Преводот на македонски е на Душанка Каевска.  

Книгата е објавена со поддршка на програмата „Креативна Европа“ на Европската унија. Во цела 2010 година котирала на листата на бестселери во Германија. Ја има добиено  Наградата за најдобра книга за млади во Германија, како и наградите „Клеменс-Бретано“ и „Ханс-Фалада“.

- Само во Германија книгата се има продадено во повеќе од милион примероци. Во моментов се снима истиоимениот филм во режија на познатиот германско-турски режисер Фатих Акин, информира „Антолог“.

Германскиот писател Волфганг Херндорф (1965-2013) студирал ликовна академија. Работел како илустратор, бил активен блогер и член на националниот фудбалски тим на писатели „Автонама“.