Нов објект на местото на спортската сала „Партизан" во Неготино

Неготино, 7 јули 2016 (МИА) - На местото на спортската сала „Партизан" во Неготино ќе никне нов објект и веќе е започната тендерската постапка, информираше денеска градоначалникот на неготино Ванчо Апостолов.
     

- Од денеска па во наредните 30 денови сите потенцијални инвеститори, физички и правни лица, имаат право да аплицираат за изградба на објект во центарот на градот. Објектот е со површина од 1.260 метри квадратни, односно приземје плус 4 ката. Од нив, 50 проценти се за деловен простор, а останатиот дел е за станбен простор, појасни градоначалникот. 

Со рушење на стариот и изградбата на новиот објект, додаде тој, Неготино ќе добие сосема поинаква слика и ова ќе биде најубав објект во центарот на градот.

- Ние како локална самуправа сме задоволни што конечно дојде денот кога го решаваме ова значајно прашање за градот, нагласи Апистолов.