ВМРО - ДПМНЕ го обвини струмичкиот градоначалник Зоран Заев за криминалСкопје, 15 март (МИА) - ВМРО - ДПМНЕ денеска го обвини градоначалникот на Струмица Зоран Заев за криминал околу изградбата на објектот на градското пазариште.
- Криејќи се зад наводни мотивирани политички обвинувања, градоначалникот Заев во соработка со неговиот Совет потполно го измени Деталниот урбанистички план на Струмица без притоа да води сметка дека за земјиштето постојат наследници кои се уште чекаат да го повратат својот имот согласно денационализацијата, рече на денешната прес-конференција портпаролот на ВМРО - ДПМНЕ Александар Бичиклиски.
Според него, досега Заев само за случајот со пазариштето во Струмица десетина пати ги прекршил постојните закони.
Бичиклиски апелира до Министерството за внатрешни работи веднаш да почне истрага, а до Министерството за транспорт и врски да му ги одземе ингеренциите од оваа област.
|