Премерот Груевски во Пехчево ја предаде во употреба втората спортска сала од проектот „35 спортски сали“

Пехчево, 15 септември (МИА) - Претседателот на Владата на Република Македонија Никола Груевски  денеска во Пехчево ја пушти во употреба спортската сала „Јане Сандански“ во ОУ „Ванчо Китанов“.

Ова е втора спортска сала од проектот на владата и Агенцијата за млади и спорт „35 спортски сали“.  

Премиерот Груевски изјави дека до крајот на годината во Македонија ќе бидат предадени во употреба вкупно десет спортски сали, а во текот на идната година и останатите 25, седум базени и 50 фудбалски игралишта. Тој додаде дека до крајот на четиригодишниот мандат на Владата ќе бидат изградени вкупно 180 спортски сали, за чија реализација ќе биде надлежно Министерстото за образование. 

Салата целосно е опремена со високо квалитетна спортска опрема и реквизити за повеќе спортови, што ќе биде од голема корист за локалното население, пред се децата, но и за клубовите и спортските рекреативци.

На свеченоста во Прехчево присуствуваше и висока црковна делегација на Македонската Православна Црква, предводена од неговото блаженство архиепископот охридски и македонски г.г. Стефан, кој во сослужение со владиците полошко-кумановски Кирил и брегалнички Иларион ја освети новата спортска сала.