Во Тетово отворен пилот проектот “Бизнис инкубатор” Тетово, 27 февруари (МИА) - Во соработка меѓу Универзитетот на Југоисточна Европа во Тетово и Фондацијата Институт отворено општество денеска во Тетово е отворен пилот проектот “Бизнис инкубатор”.
Целта на „Бизнис инкубаторот“ е да се привлечат млади од информатичката и комуникациската технологија и да ги обучат истите лица за да бидат конкурентни на домашниот и глобалниот пазар.
Покрај тоа младите ќе научат како да основаат сопствени компании и да се поврзат со деловни партнери.
- Овој проект ќе се имплеменира од страна на Центарот за развој на бизнисот при УЈИЕ во соработка со Претприемачкиот сервис за млади и Бизнис инкубаторот во Скопје. Со него ќе им се нудат можности за обука на студентите на универзитетот но и на други млади луѓе од 18 до 30 години од Полошкиот регион, рече ректорот на УЈИЕ, Алајдин Абази.
Универзитетот на Југоисточна Европа во Тетово и Фондацијата Институт отворено општество за реализација на проектот инвестираа 20.000 евра. Тој ќе треба да се имплементира во рок од една година.
|