Ликовна колонија утре ќе биде отворена во манастирот Свети Илија во прилепското село ДренПрилеп, 24 јуни (МИА) - Од утре до 29 јуни ќе биде отворена Ликовна колонија во манастирот Свети Илија во прилепското село Дрен.
Наредните пет дена своите дела ќе ги создаваат 14 уметници од земјата.
- Пределот е прекрасен и нуди голема инспирација за уметниците кои ќе ги создаваат своите слики. Тенденција е колонијата да прерасне во традиционална и интернационална за да се поканат учесници и од странство, вели Тони Чатлески, директор на прилепскиот Центар за култура Марко Цепенков.
Центарот е организатор и од свои извори ќе ја финансира првата од ваков вид сликарска колонија во прилепско.
|