Реактивирана амбулантата во виничкото село Шекљани

Виница, 11 јуни (МИА) - Во рамки на програмата на Министерството за здравство за отворање амбуланти во рураните средини, деновиве повторно е отворена амбулантата во село Пекљани, Виничко.

Во амбулантата, здравствена заштита ќе добиваат над 300 жители од ова село, но и од соседните населени места. Во неа секојдневно ќе работат лекар и медицинска сестра, а концесијата ја доби ПЗУ „Свети Спас 2009“ од Виница. Концесионерот на амбулантата во Пекљани нема да работи според капитацијата од бројот на пациенти, туку ќе добива фиксна сума од Фондот за здравство со која ќе ги покрива трошоците за плати и кирија.

Инаку, во тек е изградбата на амбуланта и во село Трсино, која е дел од проектот на Владата за обезбедување континуирани здравствени услуги на населението во руралните средини.