Договорена соработка меѓу Прилеп и Русе, Бугарија

Прилеп, 20 октомври (МИА) - Општина Прилеп договори соработка од областа на културата со општината Русе од Република Бугарија. Ова е договорено викендов на еднодневната работна посета на прилепската делегација предводена од градоначалникот Марјан Ристески на Русе на покана од неговиот бугарски колега Божидар Иотов.

Според шефот на кабинетот на прилепскиот градоначалник Ане Лашкоска, претставниците од општина Прилеп ја посетија регионалната депонија во општина Русе, прочистителната станица и претпријатието задолжено за гасификација на Русе.

- Делегацијата од Прилеп го посети и Секторот за евроинтеграции во бугарската општина, кога беше договорено и пренесување на искуства помеѓу двете општини, вели Лашкоска.

Договорено е отпочнување на соработка во областа на културата меѓу двете општини и тоа за Прилепскиот карневал, за Фестивалот на гајди и за Фестивалот на пивото,  бидејќи вакви манифестации се оддржуваат и во двете општини.