СДСМ обвинува за непотизам и партиски вработувања во администрацијатаСкопје, 10 април 2011 (МИА) - СДСМ oбвини дека во континуитет власта во изминатите пет години врши партизација на администрацијата, судството, невладиниот сектор и синдикатите, па и на медиумите.
Како пример Дарко Давитковски, претседател на СДММ денеска ги посочи вработувањата на Влатко Илиевски сопруг на министерката за внатрешни работи Гордана Јанкуловска, Аида Зекирова сестра на Ален Зекиров, телохранителот на Сашо Мијалков, на Синиша Цветановски син на поранешниот претседател на СОНК Дојчин Цветановски и на Филип Доневски, син на новинарката Мирка Велиновска, кој преку Агенција за привремени вработувања бил ангажиран во кабинетот за странски инвестиции.
Согласно документ од Агенцијата за вработување, во февруари годинава, според Давитковски, во МВР на неопределено време и без јавен оглас, е вработен и Зоран Симеонов, како што тврди близок роднина на сопругата на премиерот.
- Ова е класична злоупотреба на народните пари за задоволување на лични и партиски цели, рече Давитковски и побара одговорност.
|