Утрово скопјани доживеаја изненадување откако речиси половина од плоштадот на главниот град беше заграден поради проектот „Скопје 2014“.
Сепак, тоа што го предизвика најголемото внимание е токму она што се наоѓа зад оградaтa, односно деловите од монументалната скулптура на Александар Македонски. Судејќи по првичните фотографии, на плоштадот е пристигнат само дел од скулптурата која што дополнително треба да се склопува.
Автор на идејното решение за споменикот е скулпторката Валентина Стеваноска, која ги потпишува и проектите Порта на културата на плоштадот Пела и споменикот на Филип Втори, дел од проектот „Скопје 2014“.
