Скопје, 8 февруари 2013 (МИА) - Поради интензивните врнежи од снег во патниот сообраќај воведени се забрани за движење за тешки товарни возила на неколку патни правци во државата.
Товарните возила не може да се движат на планинскиот превој Стража и патниот правец Маврово - Дебар, а на планинскиот превој Ѓавато задолжителна е употреба на зимска опрема.
На останатите магистрални и регионални патни правци, според информирациите на Авто мото сојузот на Македонија и Македонија пат, сообраќајот се одвива забавено, во зимски услови, по влажни коловози наместа со остатоци од кашест снег.
Железничкиот и авионскиот сообраќај засега се одвива без проблеми.
На аеродромот „Александар Велики“ во Скопје слетувањата и полетувањата се одвиваат според превидениот редослед. Досега, реализирани се сите слетувања и полетувања.