Скопје, 16 ноември 2014 (МИА) - На телефонската линија 02/15123 за медицински совет „Ало докторе“ во изминатите два месеца се регистрирани 9.686 јавувања, а само во тек на вчерашниот и завчерашниот ден 273.
Јавувањата на телефонската линија за медицински совет се од граѓани од сите градови во Македонија, соопшти денеска Здравствен дом Скопје.
На сите граѓани кои се јавиле им е дадена медицинска помош преку здравствен совет и соодветна симптоматска терапија. На сите лица кои се обраќат преку линијата „Ало докторе“, а поради итноста за здравствената состојба за која се јавиле, повикот им е пренасочен од дежурните специјалисти кон службата за итна медицинска помош.
Јавувањата на 15 123 се со ширпк спектар на најразлична симптоматологија, кардиовасуларни, респираторни симптоми, совети за покачена телесна температура, за исхрана кај најмалите и симптоми на болка.
Секој ден од 18 до 22 часот во кол центарот „Ало докторе“ за медицински совет се дежурни и достапни за здравствен совет директорите на јавните здравствени установи. Денеска во кол центарот на „Ало докторе“ од 18 до 22 часот ќе биде дежурен д-р Слободан Ѓорѓиевски од ЈЗО Здравствена станица Универзитет „Св. Кирил и Методиј“, а утре проф.д-р Бисерка Ќаева, директорка на Клиниката за пулмологија и алергологија.