Лидерот на Северна Кореја, Ким Џонг-ун нареди да продолжат научните истражувања за зголемување на нуклеарниот потенцијал на земјата, објавија денеска севернокорејските медиуми.
- Мораме да го унапредиме научниот развој, за да го зголемиме нуклеарниот потенцијал за самоодбрана, изјави Ким на приемот организиран за научниците кои работеа на хидрогенската бомба.
Тој додаде дека шестата нуклеарна проба е „голема победа на корејскиот народ и доказ дека Северна Кореја е нуклеарна сила, која има интерконтинетална балистичка ракета со хидрогенско полнење“.
Северна Кореја петтата нуклеарна проба ја изврши на 9. септември минатата година, а шестата пред една недела. Севернокорејските медиуми тврдат дека е тестирана хидрогенска бомба, која би можела да се лансира со ракета. Тоа предизвика осуда од меѓународната заедница и апели за нови санкции кон Пјонгјанг.