Порт-о-Пренс, 1 февруари (МИА) - Американската армија ќе ги обнови во следните 12 часа медицински летови од Хаити за САД за тешко настраданите лица од катастрофалниот земјотрес, кој на 12 јануари ја погоди карипската држава.
Медицинските евакуации беа прекинати во средата поради несогласувањата околу тоа каде да бидат примени пациентите и околу прашањето за трошоците на нивното лекување.
Стотици настрадани беа евакуирани во САД по земјотресот и повеќето од нив беа пренеси на Флорида, но гувернерот на американската сојузна држава побара поддршка од федералната Влада.