Нов скандал го тресе Холивуд. Американските таблоиди открија кој е таткото на бебето кое го носи Џенуари Џонс. Наводно станува збор за режисерот и сопругот на Клаудија Шифер, Метју Вон.
Џонс неодамна објави дека е бремена, но не сакаше да открие кој е таткото на бебето, велејќи дека сама ќе го одгледува.
Вон и занесната убавица блиско соработуваа на новиот филм на X-Men: First Class, па така некои од таблоидите на листата на потенцијални татковци го стави и познатиот режисер и продуцент.
Сепак, откако на интернет се појавија гласините, Вон демантираше дека е таткото на бебето на убавата актерка. Неговите правни застапници веднаш побараа отстранување на информацијата која може негативно да се одрази на бракот на Вон и Шифер.
Во меѓувреме, работите добија чуден тек. Според последните информации Вон наводно нема да присуствува на њујоршката премиера на неговиот филм, што дополнително ги разгореа шпекулациите дека бракот на Вон и Шифер е во криза.
Режисерот од 2002 година е во брак со германскиот супермодел Клаудија Шифер, со која има три деца.